په ښوونه او روزنه کې د جنسیتي توپیري چلند(تبعیض) شننه
دا کورس په افغانستان کې د تعلیمي مسوولینو (میرمنو او سړو) لپاره طرحه او چمتو شوی، هغوی چې په دې باور دي چې هر هلک او نجلۍ پیاوړې او بشپړه تعلیمي تجربه لري او کولای شي خپل لوړ ظرفیت او وړتیا له ځانه وښايي. دا مواد د دارالمعلمین د ښوونکو، کارمندانو، مدیریتي ډلې او هغه چا لپاره دي څوک چې د ښوونکو د مسلکي پیاوړتیا او روزنې دنده پر غاړه لري. تر څنګ یې دا مواد خپله د دارالمعلمین د ښوونکو، هغو ادارو لپاره چې په افغانستان کې د ښوونې او روزنې په برخه کې کار کوي او هم د هغه چا لپاره دي چې په تعلیمي سیستم کې د جنسیتي مساواتو غوښتونکي وي او یا هم جنسیتي مساواتو لپاره کار کوي. په لومړي فصل کې تاسې ته ځینې مفاهېم درپېژنو چې په مرسته یې جنسیتي مساوات وپېژنئ او په ښوونه او روزنه کې د هغې د کارونې سره بلد شئ. دویم فصل کې هغه اړین توکي درپېژنو چې په جنسیتي تحلیل کې کارول کېږي. په درېیم فصل کې د یادو توکو تطبیقول عملا تجربه کوئ. څلورم فصل په دې اړه دی چې تاسې به د جنسیتي تحلیل په لاسته راغلو نتایجو څه کوئ، بله موخه یې دا ده چې په ښوونه او روزنه کې د یوه پوه، او پیاوړي د جنسیتي مساوات د مدافع په توګه وړ او مناسبې کړنې ترسره او بدلون رامنځته کړئ.
